Tre persona kanë pësuar lëndime nga therja me thikë të dielën në Halle të Gjermanisë. Për rastin është arrestuar një shtetas i Kosovës.
Siç ka shkruar “focus.de” të martën, ngjarja ka ndodhur në rrugën kryesore. Tre persona ishin lënduar nga sulmi para një ndërtese.
Sipas policisë, ndër viktimat ishte një vajzë 11-vjeçare dhe dy burra. Një 29-vjeçar është lënduar rëndë, ndërsa një 47-vjeçar ka marrë lëndime më të lehta. Viktimat janë dërguar në spital për trajtim. 11-vjeçarja ka marrë lëndime të lehta.
Siç ka njoftuar Policia, therjes i parapriu një përleshje, që sipas “Bildit”, u nis për shkak të zhurmës së fëmijëve.
46-vjeçari i dyshuar është arrestuar menjëherë.
