Një person është gjetur pa shenja jete në një shtëpi në rrugën “Obria” në Prishtinë.
Zëdhënësi i Policisë, Enis Pllana, ka thënë për KOHËN se viktima është gjetur rreth orës 11:30.
Vdekjen e tij e ka konstatuar ekipi mjekësor në vendin e ngjarjes.
“Policia në koordinim me prokurorin e shtetit ka nisur një hetim mbi vdekjen si dhe po vazhdon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rrethanave të rastit”, ka thënë më tej Pllana.
