Arrestohet i mituri për shpërndarje të përmbajtjeve të shfrytëzimit dhe keqpërdorimit seksual të fëmijëve

Policia e Kosovës ka arrestuar një të dyshuar, të mitur, për shpërndarje të materialeve me përmbajtje të shfrytëzimit dhe keqpërdorimit seksual të fëmijëve. 

Rasti ishte raportuar në fillim të prillit në stacionin policor në Drenas. 

I dyshuari është ndaluar për 24 orë. 

“Njësiti i Hetimeve të Përgjithshme (NjHP) në Prishtinë, kanë arrestuar një person të dyshuar  për veprën penale shpërndarje e materialeve me përmbajtje të shfrytëzimit dhe keqpërdorimit seksual të fëmijëve. Rasti është raportuar në fillim të muajit prill në stacionin policor në Drenas.  Menjëherë janë angazhuar hetuesit e NjHP-së ,  respektivisht ekipi për hetimin e krimeve kibernetike, të cilët kanë ndërmarrë veprime hetimore, që kanë rezultuar me arrestimin e  personit të dyshuar (i mitur). Personi i arrestuar me vendim të prokurorit të shtetit është dërguar në qendrën e mbajtjes për 24 orë”, ka njoftuar Policia e Kosovës.