Policia e Kosovës ka njoftuar të enjten se e ka arrestuar të dyshuarin e pestë për tjetërsim të një prone në vlerë tremilionëshe në Komunën e Ferizaj.
Sipas njoftimit nga Policia, i dyshuari është B.L. Ai u intervistua të enjten nën dyshimin për bashkëkryerje të tri veprave penale, të mashtrimit, të falsifikimit të dokumenteve dhe të legalizimit të përmbajtjes së rreme.
Policia ka njoftuar se dyshimet janë që këta persona, “duke falsifikuar dokumentet e identifikimit dhe certifikatën e pronës së palës ankuese, kanë arritur të tjetërsojnë në mënyrë të kundërligjshme pronën e tij me sipërfaqe prej shtatë hektarësh në vlerë të përafërt të tregut rreth tre (3) milion euro e cila gjendet në komunën e Ferizajt, të cilën më pas e kanë parcelizuar dhe shitur personave të tretë”.
B.L. është ndaluar për 48 orë pas intervistimit.
Ndërkaq në një lokacion është kryer bastisje dhe janë gjetur një telefon mobil dhe dokumente që ndërlidhen me rastin.
Për rastin, Policia kishte arrestuar më 19 shkurt edhe katër persona të tjerë.
-
Arrestohen dy persona, dyshohen për tjetërsim të pronave në Prizren me vlerë 1 milion euro
-
Arrestohet një shtetas serb, i dyshuar për mashtrim me një pronë në Prishtinë
-
Arrestohen pesë të dyshuar për falsifikim dokumentesh dhe mashtrim me prona në Ferizaj
-
Parandalohet tjetërsimi i 21 pronave në veri me dokumente false, tre të arrestuar
-
Tentuan të shesin parcela me dokumente të falsifikuara, tre të arrestuar në veri