Nëntë persona kanë pësuar lëndime pas një aksidenti në magjistralen Prishtinë – Pejë të dielën.
Nga Policia kanë thënë se një prej të përfshirëve është në gjendje më të rëndë.
“Rreth orës 18:36 në magjistralen Prishtinë – Pejë, në Gllarevë, ka ndodhur një aksident ku janë përfshirë tri automjete. Nëntë persona janë lënduar, ndërsa sipas mjekut kujdestar një prej tyre ka pësuar lëndime serioze”, ka thënë zëdhënësi i Policisë për rajonin e Pejës, Fadil Gashi.
Qarkullimi nëpër atë segment rrugor ka vazhduar me vështirësi pas aksidentit.
