Sulmuesi i Hoffenheimit, Fisnik Asllani, po kërkohet nga top-klube si Borussia Dortmundi e Bayern Muncheni.
Sulmuesi i qendrës, Asllani, ka klauzolë lirimi dhe mund të largohet nga Hoffenheimi në afatin kalimtar veror të vitit të ardhshëm.
Asllani me Hoffenheimin ka kontratë deri në vitin 2029.
“Sky Sport” ka zbuluar klauzolën e lirimit të reprezentuesit të Kosovës.
Për kartonin e Asllanit, skuadrat e interesuara duhet të paguajnë mes 25 dhe 29 milionë eurove.
Edhe disa klube nga Spanja dhe Franca dëshirojnë t’i sigurojnë shërbimet e Asllanit.
Një kalim në Premier League nuk konsiderohet i mundshëm, sipas “Sky Sport”.
23-vjeçari Asllani është duke kaluar formë të mirë me skuadrën e Hoffenheimit.
Në 14 ndeshjet e zhvilluara në të gjitha garat këtë edicion ka shënuar gjashtë gola dhe ka bërë tri asistime.
Asllani edhe edicionin e kaluar shkëlqeu si i huazuar tek Elversbergu me 18 gola në 33 ndeshje.