Lamine Yamal është zgjedhur të premten lojtari më i mirë i sezonit tashmë të përfunduar në La Liga.
Barcelona e mbrojti titullin me sukses duke përfunduar në pozitën e parë me 94 pikë, ndërsa Yamali pati statistika mbresëlënëse.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNumri 10 i skuadrës “blaugrana” i shënoi 16 gola, ndërsa kontribuoi me 12 asistime.
Të enjten, trajneri më i mirë i sezonit u zgjodh trajneri i Barcelonës, Hansi Flick, ndërsa portieri Joan Garcia u shpall portieri më i mirë.
Në garë për çmimin e lojtarit më të mirë të sezonit në La Liga ishte edhe sulmuesi i Kosovës, Vedat Muriqi. Muriqi i shënoi 23 gola për Mallorcan dhe e mbylli sezonin si golashënuesi i dytë më i mirë i ligës, Kylian Mbappe. Megjithatë, Mallorca nuk arriti ta sigurojë mbijetesën në elitën spanjolle të futbollit. Edhe Mbappe i Real Madridit, Nicolas Pepe i Villarrealit dhe Pablo Fornals i Real Betisit, ishin në garë për këtë çmim.
Por, Yamali fitoi më së shumti vota dhe u zgjodh më i miri i edicionit.
Është lojtari i dytë rresht i Barcelonës që e fiton këtë çmim të rëndësishëm. Më i miri i sezonit 2024/25 ishte Raphinha, braziliani që po ashtu është pjesë e skuadrës nga Katalunja.