Bayer Leverkuseni kishte rrreth gjashtë vjet e gjysmë që nuk kishte shënuar fitore në stadiumin “SGE” në Frankfurt. Dhe të dielën pasdite mori një fitore që trajneri Xabi Alonso e quajti spektakolare.
Bayer Leverkuseni fitoi 5:1 ndaj Eintracht Frankfurtit në kuadër të xhiros së 32-të të Bundesligës. Me këtë rezultat të thellë kishte pësuar në Frankfurt në tetor të vitit 2022. Por gjërat kanë ndryshuar shumë te Leverkuseni prej atëherë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSkuadra, ku lider i mesfushës është Granit Xhaka, tashmë është kampione e Gjermanisë, për herë të parë në histori. Dhe po ashtu është në seri prej 48 ndeshjeve pa humbje.
Xhaka hapi rrugën për fitoren e madhe me golin e bukur nga distanca të shënuar që në minutën e 12-të. Xhaka shënon rrallë, por gjithë golat e tij janë shumë të bukur. I tillë ishte edhe goli i së dielës në Frankfurt, në praninë e 58 mijë shikuesve.
Trajneri Alonso e përcolli ndeshjen nga tribuna. Për shkak të kartonëve të verdhë ishte i suspenduar. Por kjo nuk ndikoi shumë, të paktën në rezultat.
“Nuk kemi marrë asgjë këtu në pesë vjetët e fundit”, ka thënë Xhaka. Frankfurti kishte pesë fitore rresht ndaj Leverkusenit në “SGE”.
“Kemi dashur të mbesim të pamposhtur dhe e bëmë këtë sërish. Jemi shumë afër që të arrijmë diçka vërtet shumë të veçantë”, ka shtuar Xhaka.
Asnjë skuadër gjermane nuk e ka përfunduar edicionin në Bundesligë pa pësuar humbje. Leverkuseni i ka edhe dy ndeshje për ta bërë këtë.
Por fillimisht të enjten e ka gjysmëfinalen e dyta ndaj Romës në Ligën e Evropës. Pas fundit të edicionit në Bundesligë e ka edhe ndeshjen finale të Kupës së Gjermanisë. Pra pos që mund ta përfundojë kampionatin pa humbje, Leverkuseni mund të shtojë edhe dy trofe të mëdhenj në javët e ardhshme.
“E kemi ditur që secili duhet të marrë më shumë përgjegjësi në këtë ndeshje. Kemi nisur mirë dhe kemi pasur kontrollin e plotë”, ka theksuar Xhaka, duke folur për mungesën e Alonsos në stol. Xhaka ka lavdëruar edhe stafin tjetër të trajnerëve, ashtu si bëri edhe vet Alonso.
Në futbollin evropian 48 ndeshje rresht pa humbje i kishte vetëm edhe Benfica, plot 59 vjet më parë. Ky rekord i jashtëzakonshëm mund të thyhet të enjten në ndeshje me Romën. Sa u takon top-pesë ligave evropiane, Leverkuseni tashmë ka vendosur rekord.
Në Bundesligë, Leverkusenin e presin ndeshjet me Bochumin dhe Augsburgun. Xhaka me bashkëlojtarë janë të përkushtuar të mos mposhten edhe në ato dy ndeshje.