Bleart Tolaj ishte zyrtarizuar si futbollist i Gjilanit në mbrëmjen e 1 korrikut. Pak minuta më vonë, me postim kishte dalë edhe Ballkani i Suharekës, që kishte njoftuar se Tolaj ka vazhduar me klubin suharekas edhe për dy edicione.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTolaj më herët kishte nënshkruar për Gjilanin kontratë dyvjeçare. Dhe ka shpjeguar të premten gjatë ditës, se do të mbetet te kjo skuadër.
“Dua ta bëj të qartë se unë zyrtarisht jam lojtar i Gjilanit. Jam i lumtur për këtë hap në karrierën time dhe i përkushtuar maksimalisht për të dhënë gjithçka për fanellën e klubit”, ka shkruar Tolaj në Facebook.
Ai ka kërkuar falje për konfuzionin e krijuar, dhe ka thënë se ai është përgjegjës për këtë situatë.
Tolaj po ashtu ka bërë të ditur se në dy ndeshjet e para të Ligës së Konferencës, do të jetë pjesë e Ballkanit, e më pas do t’i bashkohet Gjilanit për sezonin e ri.
“Kërkoj mirëkuptim nga të gjithë për situatën e krijuar dhe shpresoj që me këtë sqarim të mbyllet çdo keqkuptim”, ka shkruar Tolaj të premten.
