Shtëpia Botërore e Futbollit (FIFA), ka hapur procedurë disiplinore ndaj Federatës së Futbollit të Rumanisë për shkak të sjelljeve të tifozëve në ndeshjen kundër Bosnjë-Hercegovinës e luajtur më 21 mars. Mediumet rumune të martën kanë raportuar se tifozët e Rumanisë gjatë ndeshjes së parë kualifikuese të Botërorit 2026, kanë pasur thirrje ksenofobike ndaj hungarezëve. “Nga tribuna ku ishin ultrasit e Rumanisë, u dëgjuan thirrje të forta dhe të përsëritura ‘largoni hungarezët nga vendi’”, shkruan “gsp.ro”.
Sipas sajtit rumun, Rumania pritet të gjobitet financiarisht, ndërsa ndeshjen e radhës në shtëpi kundër Qipros, mund ta luaj me numër të kufizuar të shikuesve. “Duke qenë përsëritës, ndeshja në shtëpi kundër Qipros, e caktuar më 10 qershor, në skenarin më të keq, mund të luhet pa shikues”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRumania në vjeshtën e vitit 2026 do ta zhvilloj pa shikues një ndeshje të Ligës së Kombeve të UEFA-s.
Rumania ishte dënuar me 128 mijë euro dhe një ndeshje pa shikues nga Komisioni i Etikës dhe Disiplinës i UEFA-s, për disa shkelje në ndeshjen ndaj Kosovës, të zhvilluar më 15 nëntor të vitit të kaluar.
UEFA e regjistroi ndeshjen ndaj Kosovës me rezultat zyrtar 3:0 në të mirë të Rumanisë, por e dënoi Federatën rumune për shkak të disa shkeljeve, ndër të tjera edhe për thirrjeve të tifozëve.
CAS-i kishte refuzuar ankesën e rumunëve. CAS-i ende nuk ka marrë vendim për ankesën e Federatës së Futbollit të Kosovës.