Futbollistet e Përfaqësueses U19 të Kosovës e kanë humbur edhe ndeshjen e dytë në kuadër të kualifikimeve për Evropianin 2026.
Kosova U19 në Faro-Lule të Portugalisë u mposht thellë 4:0 të shtunën nga Danimarka U19.
Ndeshja i takoi Grupit A të raundit të parë kualifikues për Euro 2026.
Kosova U19 të mërkurën u mposht nga Portugalia U19 me rezultatin, 2:1.
Dy golat e parë për Danimarkën U19 i realizoi sulmuesja Flora Hojer.
Mirjeta Januzi shënoi autogol për 3:0, kurse golin e katërt e shënoi
Josefine Hansen Uhd.
Kosova U19 nga minuta e gjashtë ishte me një futbolliste më pak në fushë pasi Aurora Cakolli u ndëshkua me karton direkt të kuq.
Në grup me Kosovën është edhe Islanda. Me Islandën, Kosova U19 luan të martën e ardhshme.
Tri të parat në grup avancojnë në Ligën A të raundit të dytë kualifikues. E fundit në grup, në raundin e dytë kualifikues luan në Ligën B.
Vetëm përfaqësueset që paraqiten në Ligën A në raundin e dytë kualifikues mund të kualifikohen në Evropian.