Botërori 2026 në SHBA, Kanada dhe Meksikë për herë të parë do t’i ketë 48 përfaqësuese.
Të enjten kualifikimin në ngjarjen globale e siguruan edhe tri përfaqësuese, Uzbekistani, Jordania dhe Koreja e Jugut.
Pos tri vendeve nikoqire, tashmë janë kualifikuar edhe Japonia, Irani, Zelanda e Re dhe Argjentina.
Uzbekistani dhe Jordania kanë arritur sukses historik – janë kualifikuar për herë të parë.
Uzbekistanit i mjaftoi barazimi pa gola me Emiratet e Bashkuara Arabe, ndërsa Jordania fitoi 3:0 ndaj Omanit.
Koreja e Jugut u kualifikua për herë të njëmbëdhjetë rresht në Botëror.
