Arsenali e ka fituar ndeshjen shumë të vështirë ndaj Wolverhampton Wolvesit me rezultat 2:1 të shtunën mbrëma në “Emirates”.
Topçinjtë fituan falë dy autoglave të mysafirëve, që janë në vendit e fundit me vetëm dy pikë pas 16 ndeshjeve.
Fillimisht, skuadra e Mikel Artetas kaloi në epërsi me autogolin e portierit Sam Johnston në minutën e 70-të.
Por Wolvesi befasoi kur në minutën e 91-të sulmuesi Toluwalase Arokodare shënoi për ta barazuar rezultatin.
Kur ndeshja po shkonte drejt barazimit, në skenë doli sulmuesi i harruar Gabriel Jesus, që i siguroi tre pikët liderit në minutën e 94-t.
Arsenali ka 36 pikë në vendin e parë, pesë më shumë se City që ka një ndeshje më pak.