Ndonëse ishte duke pësuar disfatë 2:0 nga Salzburgu, Aston Villa, fitoi 3:2 ndeshjen e fundit të fazës së ligës në Ligën e Evropës.
Kjo ndeshje u zhvillua të enjten mbrëma, ndërsa përmbysja e rezultatit nisi nga minuta e 64-të.
Karim Konate në minutën e 33-të dhe Moussa Yeo në minutën e 49-të i shënuan golat për mysafirët.
Për 2:1 shënoi Morgan Rogers në minutën e 64-t, ndërsa rezultatin në 2:2 e barazoi Tyrone Mings.
Fitoren Aston Villas ia siguroi Jamaldeen Jimoh në minutën e 87-të.
Ekipi anglez e mbylli në vendin e dytë me 21 pikë fazën e ligës në Ligën e Evropës.
21 pikë i ka edhe Lyoni i vendit të parë.
Salzburgu eliminohet.