Ylli i Malishevës, Agon Xhaka, ka thënë se ekipi i tij e ka respektuar kundërshtarin më shumë se që duhet, pasi malishevasit u mposhtën 1:0 në ndeshjen e parë të fazës kualifikuese për Ligën e Konferencës nga Vikinguri.
Ai ka thënë se skuadrës së tij i ka munguar fati, ndërsa e kanë pasur të vështirë të përballen me përvojën e Vikingurit.
“Ndeshje e vështirë, por e respektuam më shumë se që duhet kundërshtarin. Në pjesën e dytë ndryshuam, por nuk patëm fatin. Shpresojmë të rikthehemi në ndeshjen e dytë. Ishte vështirë të përballemi me lojtarët me përvojë të Vikingurit. Nuk është se na kanë rrezikuar shumë në përgjithësi”, ka thënë ai për KTV-në.
