Ylli i Francës, Kylian Mbappe, ka reaguar ndaj senatores paraguaiane për komentet raciste që ajo i bëri pas humbjes së Paraguait nga Franca në Botëror.
Mbappe e quajti Celeste Amarillan, që është senatore nga Partia Liberale Radikale e Paraguait, një “grua të neveritshme” e cila është e padenjë për të shërbyer në Kongresin e Paraguait.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Përmes pakujdesisë dhe racizmit tuaj të turpshëm, e gjithë bota tashmë e ka harruar udhëtimin dhe përpjekjen historike që lojtarët tuaj kishin gjatë kësaj Kupe të Botës”, shkroi Mbappe.
Amarilla postoi një sërë komentesh raciste në X, pasi Mbappe shënoi golin e fitores për Francën ndaj Paraguait. Ajo është tallur me origjinën, edukimin dhe pamjen e kapitenit francez.
Amarilla publikoi edhe një letër të hënën vonë, përmes të cilës tha se problemi i saj ishte me lojtarin e jo me Francën. Ajo shkroi se i vinte keq që e kishte keqtrajtuar Mbappen me “të njëjtat fyerje” që ka marrë si person me racë të përzier dhe se e kishte fshirë postimin e saj. Por Amarilla gjithashtu kërkoi një kërkim falje nga Mbappe për “dhunë në baza gjinore” në komentet e tij.
Qeveria e Paraguait ka dënuar komentet e Amarillas. Tha se komentet e saj nuk përfaqësojnë qeverinë dhe popullin e Paraguait. Edhe federata franceze i quajti të neveritshme dhe të papranueshme komentet e Amarillas. Mbështetje për Mbappen kanë shprehur presidenti i Francës, Emmanuel Macron dhe ministrja e sportit, Marina Ferrari.
Para ndeshjes, portieri legjendar i Paraguait, Jose Luis Chilavert, iu referua Francës si “skuadër nga Afrika”.