Meksika ka ndërprerë lidhjet me Ekuadorin pasi policia sulmoi ambasadën meksikane në Quito për të arrestuar ish-zëvendëspresidentin ekuadorian, Jorge Glas.
Presidenti meksikan, Andrés Manuel López Obrador, ka thënë se ata kishin "hyrë me forcë" në ambasadë, në një "shkelje flagrante të ligjit ndërkombëtar", raporton BBC.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGlas u strehua në ambasadë dhjetorin e kaluar pasi Ekuadori lëshoi një urdhër arresti kundër tij, nën dyshimin për korrupsion.
Avokati i Glas ka thënë se ai është i pafajshëm.
Glas shërbeu si zëvendëspresident i Ekuadorit midis viteve 2013 dhe 2017. Ai u lirua nga detyrat e tij për shkak të rritjes së akuzave për korrupsion kundër tij.
Më vonë atë vit ai u dënua me gjashtë vjet burgim në lidhje me korrupsionin në gjigantin brazilian të ndërtimit Odebrecht. Prokurorët thanë se ai mori 13.5 milion dollarë ryshfet.
Ai u lirua nga burgu në nëntor, por autoritetet ekuadoriane lëshuan më pas një urdhër-arresti duke pretenduar akuza të mëtejshme për korrupsion, duke bërë që Glas të kërkonte strehim në ambasadën meksikane.
Të premten, Meksika bëri të ditur se i kishte dhënë Glas azil politik "pas një analize të plotë" të situatës - një veprim që Ekuadori e konsideroi si të paligjshëm.
“Ekuadori është një komb sovran dhe ne nuk do të lejojmë asnjë kriminel të qëndrojë i lirë”, ka thënë presidenca e Ekuadorit në një deklaratë.
Fotografitë nga vendi i ngjarjes tregojnë policinë duke ngjitur një mur dhe gardh metalik në hyrjen e mbyllur të ambasadës.