-
Përktheu:
Flutura Gashi-Mehmeti
- 7 qershor 2026 10:52
- Shpërndaje në:
Sekretari i Mbrojtjes i SHBA-së, Pete Hegseth, ka kritikuar kombet evropiane për migracionin, për lejimin e asaj që ai e ka përshkruar si një "pushtim" në brigjet e tyre, gjatë një fjalimi për përvjetorin e Ditës-D në Francë.
Hegseth po fliste në Normandi, 82 vjet pasi forcat aleate sulmuan plazhet franceze për të çliruar Evropën e pushtuar nga nazistët në vitin 1944.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Mjerisht, sot, plazhe të ndryshme evropiane sulmohen nga ideologji të ndryshme të rrezikshme", ka thënë Hegseth.
Migrimi është bërë një çështje e madhe politike në të gjithë Evropën, teksa partitë që po rriten sipas sondazheve, mbështesin politikat e ashpra të imigracionit.
Administrata Trump e sheh një goditje ndaj imigracionit si pjesë shumë të rëndësishme të agjendës së saj të politikës së brendshme, duke kërkuar miliarda më shumë fonde për agjencitë e zbatimit të ligjit.
Komentet e Hegseth shënojnë një kritikë të mëtejshme ndaj politikës evropiane të migracionit nga anëtarë të lartë të administratës Trump.
Të premten, zëvendëspresidenti amerikan, JD Vance, ka fajësuar për vdekjen e studentit 18-vjeçar britanik Henry Noëak, i cili u godit me thikë për vdekje vitin e kaluar në Southampton nga Vickrum Digwa, "pushtimin masiv nga emigrantët" dhe ka shtuar se "përgjigja e vetme" ishte "zemërimi i drejtë".
Downing Street u përgjigj duke kritikuar "njerëzit që përpiqen të ndërhyjnë në demokracinë tonë", duke shtuar se familja Noëak kishte "thënë se nuk duan që vdekja e tij të përdoret për të krijuar përçarje të mëtejshme".