Bashkimi Evropian duhet të diskutojë mundësinë e kufizimit të përkohshëm të së drejtës së votës për anëtarët e rinj të ardhshëm të bllokut, dhe krijimin e më shumë masave mbrojtëse për sundimin e ligjit, kanë shkruar Gjermania, Franca, Holanda, Belgjika dhe Luksemburgu në një dokument të përbashkët të parë nga Reuters të martën.
Teksa Mali i Zi shpreson të bashkohet me BE-në në vitin 2028 ndërkohë që Shqipëria, Ukraina dhe Moldavia përpiqen të bëjnë përparim në përpjekjet e tyre për anëtarësim, diskutimet janë duke vazhduar midis qeverive evropiane nëse rregullat për anëtarët e rinj duhet të ndryshojnë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDisa kryeqytete tani po shtyjnë BE-në të zhvillojë masa mbrojtëse më të forta për anëtarët e ardhshëm, pjesërisht për shkak të përvojës së bllokut me prapambetjen demokratike në Hungari, nën kryeministrin e mëparshëm, Viktor Orban.
Dokumenti përshkruan opsionet e mundshme që mund të shkruhen në traktatet e ardhshme të pranimit, duke përfshirë një mekanizëm të ri monitorimi dhe një klauzolë mbrojtëse që do të lejonte marrjen e masave në rast të një prapambetjeje serioze, në fusha të tilla si demokracia dhe liria e medias.
“BE-ja duhet të zhvillojë një diskutim të thelluar mbi mundësinë e kufizimeve të përkohshme dhe kalimtare të të drejtave të votës për shtetet e reja anëtare, në pjesë të veçanta ku kërkohet unanimitet”, kanë shkruar pesë vendet, duke iu referuar zgjerimit, politikës së jashtme dhe vendimeve për buxhetin e BE-së ku aktualisht nevojitet pëlqimi i të gjitha vendeve anëtare.