-
Përktheu:
Flutura Gashi-Mehmeti
- 16 prill 2026 15:16
- Shpërndaje në:
Papa Leoni ka kritikuar udhëheqësit që shpenzojnë miliarda dollarë për luftëra dhe ka thënë gjatë vizitës së tij në Kamerun se bota “po shkatërrohet nga një grusht tiranësh”.
Duke folur gjatë turneut në rajonin e goditur nga një kryengritje vdekjeprurëse, Papa ka sulmuar ata që, sipas tij, manipulojnë “vetë emrin e Zotit” për përfitimet e tyre.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKëto komente vijnë vetëm disa ditë pas një përplasjeje që ka bërë bujë me presidentin amerikan, Donald Trump, i cili publikoi një koment të gjatë ndaj Papës, një kritik i hapur i operacioneve ushtarake të SHBA-së dhe Izraelit në Iran.
Papa kishte shprehur shqetësimin e tij për kërcënimin e Trumpit se “një civilizim i tërë do të vdesë” nëse Irani nuk do të pranonte kërkesat e SHBA-së për t’i dhënë fund luftës dhe për të hapur Ngushticën e Hormuzit.
Leoni, i cili vitin e kaluar u bë Papa i parë i lindur në SHBA, më parë ka vënë në pikëpyetje edhe qasjen e administratës Trump ndaj emigracionit.
“Leoni duhet të rregullohet si Papë”, ka shkruar Trump në një postim në TruthSocial në atë kohë.
Duke folur në Kamerun, Papa ka kritikuar udhëheqësit që “mbyllin sytë përballë faktit se miliarda dollarë shpenzohen për vrasje dhe shkatërrim, ndërsa burimet e nevojshme për shërim, arsim dhe rindërtim nuk gjenden askund”.
“Zotërinjtë e luftës bëjnë sikur nuk e dinë se duhet vetëm një moment për të shkatërruar, por shpesh nuk mjafton as një jetë e tërë për të rindërtuar”, është shprehur ai.
Duke iu drejtuar turmave të enjten, Papa ka dënuar “një cikël të pafund destabilizimi dhe vdekjeje” në një rajon “të përgjakur” të Kamerunit që është përfshirë nga kryengritja për gati një dekadë.
“Ata që ju grabisin tokën dhe burimet zakonisht investojnë një pjesë të madhe të fitimeve në armë, duke vazhduar kështu një cikël të pafund destabilizimi dhe vdekjeje”, u ka thënë ai të pranishmëve në një katedrale në qytetin veriperëndimor Bamenda.
Turneu i gjerë i Papa Leoni në Afrikë do të përfshijë ndalesa në 11 qytete në katër vende. Kjo është vizita e tij e dytë e madhe jashtë vendit që nga zgjedhja si Papë vitin e kaluar dhe pasqyron rëndësinë e katolicizmit në Afrikë.
Më shumë se një e pesta e katolikëve në botë jetojnë në Afrikë, rreth 288 milionë njerëz, sipas të dhënave të vitit 2024.