Një i vdekur dhe mbi 100 të lënduar si pasojë e një aksidenti rrugor në Rusi

Një person ka humbur jetën dhe më shumë se 100 të tjerë janë lënduar pas përplasjes së dy tramvajëve në Rusi. 

Shumica e pasagjerëve kanë pësuar lëndime të rënda pasi në momentin që frerët e tramvajit, i cili po lëvizte në shpejtësi të lartë, dështuan, ata filluan të hidheshin nga dyert dhe dritaret e tij.  

Tramvaji thuhet se doli jashtë kontrollit në orën 7:35 të mëngjesit, dhe pasagjerët u hodhën drejt e në autostradën e ngarkuar Logovaya.

Tramvaji u përplas më pas me një tjetër tramvaj në qytetin rus të Kemerovos, raporton “DailyMail”.

Numri i të plagosurve u rrit me shpejtësi në 102 në orët e para pas incidentit të tmerrshëm, dhe të paktën një person është konfirmuar i vdekur.

Shtatë nga të lënduarit janë fëmijë.