Shefi i shtabit të Forcave të Mbrojtjes së Izraelit (IDF), Eyal Zamir, thotë se po “kalojnë në fazën tjetër të operacionit” kundër Iranit, duke këmbëngulur se kjo do të “çmontojë më tej regjimin dhe kapacitetet e tij ushtarake”, raporton agjencia “BBC”.
Shefi i shtabit i IDF-së, Eyal Zamir, thotë se Izraeli dhe SHBA-ja kanë qenë duke e “izoluar strategjikisht” Iranin dhe duke e sjellë atë në një pikë dobësie “si asnjëherë më parë”.
Ai thotë se për gjashtë ditë Izraeli ka goditur Iranin “pa ndërprerje” dhe se “operacioni po vazhdon me ritmin që ne e kishim planifikuar”.
“Pas përfundimit të fazës së sulmit të befasishëm, në të cilën vendosëm epërsi ajrore dhe shtypëm sistemin e raketave balistike, tani po kalojmë në fazën tjetër të operacionit. Në këtë fazë, ne do të çmontojmë më tej regjimin dhe kapacitetet e tij ushtarake. Kemi surpriza të tjera përpara të cilat nuk kam ndërmend t’i zbuloj”.
Ai më pas kaloi te gjendja në Liban, duke thënë se Hezbollah bëri “një gabim strategjik” duke iu bashkuar luftimeve dhe se Izraeli po “godet me forcë, në vijën e frontit dhe më thellë në Liban”.
Izraeli dhe Irani kryejnë sulme të reja, Senati amerikan mbështet Trumpin në luftë
Ligjvënësit amerikanë kanë votuar të mërkurën kundër një mase për fuqitë e luftës që do të...-
Izraeli thotë se ka ende mijëra shënjestra për të goditur në Iran
-
Izraeli po planifikon edhe të paktën tri javë të tjera sulme ndaj Iranit
-
Ushtria izraelite njofton për valë të re sulmesh ndaj Iranit
-
Irani dhe Izraeli ndalin sulmet ndaj njëri-tjetrit
-
Irani pezullon operacionet ushtarake kundër Izraelit