Ish-sekretari i përgjithshëm i NATO-s, Jens Stoltenberg, është emëruar ministër i Financave në Norvegji të martën, raportoi Reuters.
Emërimi i tij sjell në kabinetin e Norvegjisë një diplomat me përvojë në një kohë tensionesh tregtare globale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ky ekip është gati të udhëheqë Norvegjinë në kohë të vështira. Do të ofrojmë politika që do të ndikojnë në jetën e përditshme të njerëzve dhe jemi të vetëdijshëm për paqëndrueshmërinë në botë nga e cila është prekur edhe Norvegjia”, ka thënë kryeministri Jonas Gahr Stoere.
Stoltenbergu ka qenë kryeministër i Norvegjisë në vitet 2000-2001 dhe 2005-2013. Ai drejtoi aleancën ushtarake perëndimore për një dekadë, përfshirë edhe gjatë mandatit të parë të presidentit amerikan Donald Trump, duke u larguar vitin e kaluar.
65-vjeçari është me profesion ekonomist dhe ka qenë ministër i financave në vitet 1996-1997.
Në vitin 2022, Stoltenberg do të bëhej shef i bankës qendrore të Norvegjisë, por nuk e mori këtë rol pasi presidenti i atëhershëm i SHBA-së, Joe Biden, i kërkoi atij të vazhdonte si shef i NATO-s.