Basketbollisti i Kosovës, Erjon Kastrati, pret përkrahjen e tifo-grupit “Dardanët” për ndeshjen kundër Sllovakisë në Prizren.
Kosova luan të premten ndaj Sllovakisë, në kuadër të Grupit C të raundit të parë të parakualifikimeve për “Eurobasket 2029”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKastrati ka folur për përgatitjet dhe mungesën e kapitenit Dardan Berisha dhe njërit prej basketbollistëve më të mirë në vend, Drilon Hajrizi.
Ai ka thënë se Berisha dhe Hajrizi janë mungesa të mëdha. Berisha e Hajrizi kanë bartur për shumë vjet barrën e përfaqësueses së Kosovës. Basketbollistët po i zhvillojnë në Prizren përgatitjet për ndeshjen ndaj sllovakëve.
“Përgatitjet janë duke shkuar mirë, shpresoj në rezultat pozitiv edhe pse kemi mungesa kësaj radhe shumë. Mungesa e kapitenit Dardan Berisha dhe e Drilon Hajrizit do të thotë shumë, por ne të tjerët do të mundohemi ta japim maksimumin që ta përfaqësojmë Kosovën sa më mirë. I bëj thirrje edhe ‘Dardanëve’, edhe gjithë tifozëve që të vijnë e të na përkrahin dhe me përkrahjen e tyre besoj që mund t'ia dalim”, ka thënë Kastrati për faqen zyrtare të Federatës së Basketbollit të Kosovës.
Kosova e ka nisur me fitore ciklin kualifikues. Fitoi kundër Shqipërisë me rezultat 99:84. Ndeshja ishte luajtur më 30 nëntor në Shkodër. Vendi i parë siguron kalimin direkt në raundin e dytë të parakualifikimeve. Kalimi tutje është i mundur edhe prej pozitës së dytë, por kjo nuk është e garantuar.
Në grup janë vetëm Kosova, Sllovakia e Shqipëria.