-
Nga:
Majlinda Ibrahimi
- 21 maj 2024 17:23
- Shpërndaje në:
Prorektorë, profesorë dhe një dekan po synojnë pozitën e rektorit në Universitetin e Prishtinës “Hasan Prishtina”.
Bazuar në konkursin për përzgjedhjen e Rektorit të UP-së, të interesuarit kanë pasur afat t’i dërgojnë aplikimet e tyre deri më 21 maj në ora 16:00.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas burimeve të KOHËS, kandidatët që synojnë pozitën e Rektorit janë: Xhyljeta Mushkolaj- profesoreshë në Fakultetin Juridik, Sefer Avdijaj- profesor në Fakultetin e Shkencave Matematike-Natyrore dhe aktualisht prorektor për kërkime, projekte, inovacion dhe informacion; But Dedaj- profesor në fakultetin Ekonomik, Faton Berisha – profesor në Fakultetin e Shkencave Matematike-Natyrore dhe aktualisht prorektor për personel akademik, integritet dhe botime; Isak Shabani- dekan në Fakulteti i Inxhinierisë Elektrike dhe Kompjuterike.
Pozita e rektorit parasheh mandat katër vjeçar, me mundësi të rizgjedhjes edhe për një mandat.
Aktualisht pozitën e rektorit e mban Qerim Qerimi. Ai këtë pozitë e fitoi në vitin 2022 pasi rektori i atëhershëm Naser Sahiti u shkarkua nga Këshilli Drejtues me arsyetimin se nuk ka treguar performancë të mirë në menaxhim.