PDK për planin për “Kalabrinë”: Nuk kemi votë për kontrabandim të pronës publike

Partia Demokratike në Prishtinë në Prishtinë, në një konferencë për media të mbajtur të premten, ka ripërsëritur qëndrimin se nuk do ta votojë planin për lagjen “Kalabria”. 

Asamblisti i kësaj partie, Leutrim Retkoceri, ka thënë se me anë të këtij plani rreth 15 hektarë tokë publike po vihen në shërbim të ndërtuesve. 

“Ky plan ka për qëllim tjetërsimin e pronës publike me ndërtime të larta. Prapë mbi 15 hektar pronë publike po vihet në shërbim të ndërtuesve. PDK-ja nuk ka votë për kontrabandim të pronës publike në kurriz të banorëve”, është shprehur Retkoceri.

Ai ka thënë se PDK-ja do ta përkrahë një plan për këtë lagje, vetëm atëherë kur do të sillet një plan siç ka theksuar ai, për interesa të qytetarëve dhe jo për interesa të ndërtuesve.