Presidentja, Vjosa Osmani, të mërkurën ka takuar ndihmëssekretarin e Shtetit në detyrë, Brendan Hanrahan.
Në njoftimin e Presidencës për takimin që është zhvilluar në Washington D.C., thuhet se Osmani ka ritheksuar përkushtimin për thellimin e partneritetit strategjik midis Kosovës dhe Shteteve të Bashkuara të Amerikës.
“Kosova është e gatshme ta avancojë bashkëpunimin me SHBA-të në fusha kyçe si mbrojtja, ekonomia, si dhe investimet strategjike me interes të ndërsjellë. Qëndrojmë krah për krah me SHBA-të në vlera, në vizion dhe në veprim”, thuhet në njoftimin e Presidencës
