Organizata për Siguri dhe Bashkëpunim në Evropë (OSBE) ka thënë se është në dijeni të raportimeve mbi ndalimin e zyrtares të këtij misioni nga autoritetet e drejtësisë në Kosovë për spiunazh.
Misioni i OSBE-së ka shkruar në Facebook të dielën se janë në gatshëm të bashkëpunojnë me autoritetet, teksa kanë thënë se s’mund të komentojnë më tej mbi këtë rast për shkak të hetimeve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Misioni i OSBE-së në Kosovë është në dijeni të raportimeve të mediave lidhur me ndalimin e një anëtari të Misionit. Ne jemi në kontakt me përfaqësuesin e tyre ligjor dhe po monitorojmë nga afër mirëqenien e tyre në përputhje me detyrën tonë të kujdesit. Përderisa Misioni nuk mund të komentojë më tej për këtë rast për shkak të hetimeve në vazhdim, ai mbetet i përkushtuar për të bashkëpunuar me autoritetet përkatëse”, thuhet në njoftim.
Misioni i OSBE-së ka shtuar se është në kontakt me institucionet përkatëse, e edhe me Sekretariatin në Vjenë “për të siguruar respektimin e procesit të duhur”.
Jelena Gjukanoviq u ndalua për 30 ditë paraburgim të dielën me dyshimin se ka kryer veprën penale "spiunazh".
Gjyqtari i procedurës paraprake, Arben Hoti, ka vlerësuar se banorja e veriut të vendit me kombësi serbe, do të mund të arratisej me lehtësi nëse do të lihej e lirë.