Ministria e Industrisë, Ndërmarrësisë, Tregtisë dhe Inovacionit (MINTI) ka themeluar komision të posaçëm për verifikimin e njehsorëve elektrikë.
Ministria ka thënë se ka përcjellë me vëmendje zhvillimet e fundit lidhur me çështjen e njehsorëve elektrikë dhe pretendimet për keqllogaritje.
“Me qëllim të garantimit të transparencës, korrektësisë dhe mbrojtjes së interesave të qytetarëve, dhe duke u bazuar në Ligjin Nr. 06/L-034 për Mbrojtjen e Konsumatorit, në kuadër të përgjegjësive të Departamentit për Mbrojtjen e Konsumatorit, me datë 31.03.2026, është themeluar një komision i posaçëm për verifikimin e njehsorëve elektrikë”, thuhet në njoftimin e MINTI-t.
MINTI njoftoi se deri tash nuk është pranuar asnjë ankesë nga nga konsumatorët lidhur me dyshime për keqllogaritje të njehsorëve.
“ Megjithatë, duke filluar nga data 01.04.2026 (e mërkurë), komisioni do të dalë në terren për të verifikuar njehsorët elektrikë të çdo konsumatori që paraqet ankesë”, thuhet tutje.
Në fotografinë e mëposhtme është paraqitur një model se si mund të verifikoni njehsorin (orën) e energjisë elektrike në ndërtesat tuaja.
-
Tërhiqen nga funksioni njehsorë që regjistronin energjinë në kohë të pasaktë
-
Tërhiqen nga funksioni njehsorë, ora e të cilëve s’përputhej me kohën
-
Nis puna për verifikimin e njehsorëve të dyshimtë të rrymës
-
Mbi 1.500 ankesa të konsumatorëve në gjashtë muaj, shumica për energjinë elektrike
-
Edhe 25 mijë euro gjobë për KEDS-in për njehsorët me afat të skaduar