Pavarësisht kritikave që mori ditë më parë, kryeministri në detyrë Albin Kurti ka vazhduar ta shtojë kabinetin e tij.
Të premten, në një njoftim nga Zyra e Kryeministrit është bërë e ditur se sekretarja e Partisë Guxo, Triera Kasumi-Berisha, është emëruar zëvendëministre në Ministrinë e Ekonomisë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kryeministri në detyrë Kurti e uroi znj. Kasumi-Berisha për detyrën e re dhe i dëshiroi suksese në përmbushjen e përgjegjësive të reja”, thuhet në njoftim.
Në fillim të këtij muaji, një ditë pasi u caktua që zgjedhjet parlamentare të mbahen më 7 qershor, Kurti pati emëruar tre zëvendësministra. Ky veprim kishte nxitur reagime nga partitë opozitare, të cilat e patën akuzuar kryeministrin në detyrë për zhvatje të buxhetit të shtetit në fund të mandatit.