Ish-deputetja e Lëvizjes Vetëvendosje nga radhët e Listës Guxo, Jeta Statovci, i është bashkuar Vjosa Osmanit për zgjedhjet parlamentare të 7 qershorit.
Osmani pritet të jetë në listën e Lidhjes Demokratike të Kosovës (LDK).
Vetë ajo ka njoftuar se me Statovcin do ta vazhdojnë rrugëtimin drejt Kuvendit.
“E nisëm bashkë rrugëtimin në Kuvend. Dhe bashkë po vazhdojmë drejt Kuvendit. Jeta Statovci ishte vetëm 26 vjeçe kur mori mandatin e saj të parë, për t’u rikonfirmuar tri herë radhazi me besimin e qytetarëve, duke qenë vazhdimisht ndër deputetet më të votuara”, ka shkruar Osmani në Facebook.
Osmani ka thënë se me Statovcin i ka bashkuar virtyti, vizionin dhe e vërteta.
“Na kanë bashkuar ndër vite virtyti, vizioni, vullneti dhe e vërteta. Mbi të gjitha, na bashkojnë vlerat mbi të cilat e nisëm këtë rrugëtim. E kur ato devijojnë, ne ringrihemi në këmbë, për dashurinë ndaj vendit dhe për rrugëtimin e sigurt të Kosovës. Na priftë e mbara, gjithmonë përkrah”, ka shtuar ajo.
-
Deri tash bashkë – nisin përplasjet e kampit të Osmanit me Guxo-në dhe VV-në
-
Shënohen aderimet e para, gara fillestare për diasporë
-
LVV-ja siguron 53 ulëse në Kuvend, LDK-ja e humb një
-
Osmani: Kompromisi kërkohet për Qeverinë, Kuvendin e presidentin
-
Osmani: VV-ja s’ka arsye për të refuzuar emrin tim