Mbrojtësi i Kosovës, Albian Hajdari, ka pësuar një tjetër lëndim, ka njoftuar të martën klubi i Hoffenheimit.
Hajdari u lëndua gjatë stërvitjes së djeshme dhe do të jetë jashtë fushës për disa javë.
“Albian Hajdari është lënduar dje gjatë stërvitjes në pjesën e poshtme të shputës së këmbës dhe nuk do të jetë në dispozicion të ekipit gjatë javëve të ardhshme. I urojmë shërim sa më të shpejtë dhe rikthim të suksesshëm në fushë!”, ka shkruar klubi gjerman.
Hajdari ishte lënduar edhe gjatë grumbullimit me Kosovën muajin e kaluar.