Futboll

Shaqiri shënon golin e parë si kapiten i Baselit

Xherdan Shaqiri

Xherdan Shaqiri ka shënuar golin e parë si kapiten i Baselit. 

Ai shënoi golin e dytë të fitores së Baselit ndaj Schaffhausenit me rezultatin, 3:0. Shaqiri realizoi golin e dytë në minutën e 27-të. Miqësorja pa praninë e shikuesve u zhvillua në qendrën sportive të Baselit. 

Për Baselin ishte miqësorja e fundit para fillimit të stinorit pranveror. 

Baseli të dielën luan derbin kundër Luganos. 

Ndeshja i takon javës së 19-të të Superligës zvicerane. 

Lugano është në vendin e parë me 31 pikë, kurse në vendin e dytë me një pikë më pak është Baseli.
Shaqiri 33-vjeçar ditë më parë u bë kapiten i ri i Baselit.

Në 14 ndeshjet e stinorit vjeshtor, Shaqiri shënoi pesë gola dhe asistoi tetë herë. Dy gola ka shënuar edhe për Kupë të Zvicrës.