Një ndeshje të nivelit të lartë kanë luajtur të martën mbrëma në “Santiago Bernabeu”, Real Madridi e Borussia Dortmundi.
Ishte kjo përsëritje e finales së Championsit të edicionit të kaluar. Dhe sërish fituan madrilenët.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdeshjen e xhiros së tretë të Ligës së Kampionëve, Madridi e fitoi 5:2.
Skuadra gjermane ishte në epërsi prej 2:0 pas pjesës së parë. Por as për së afërmi nuk ka mundur t’i rezistojë sulmit madrilen në pjesën e dytë.
Donyell Malen kaloi në epërsi 1:0 Dortmundin në minutën e 30-të. Menjëherë në minutën e 34-t, Mylen asistoi për Jamie Gittens që realizoi për 2:0 në të mirë të skuadrës gjermane.
Nuk vonoi shumë dhe Madridi goditi dy herë traversën në të njëjtin aksion. Por pa konkretizuar.
Me rezultatin 2:0 përfundoi pjesa e parë.
Pjesën e dytë skuadra e Carlo Ancelottit e nisi furishëm.
Antonio Ruediger shënoi në minutën e 60-të për të ngushtuar rezultatin në 2:1. Ishin shenjat e para të asaj që do të pasonte.
Vinicius Junior gjeti ritmin dhe barazoi në 2:2 në minutën e 62-të. Në minutën e 83-të për 3:2 shënoi Lucas Vazquez, me goditje të fortë nga zona. Vinicius Junior shënoi supergol në minutën e 86-të për 4:2. “Hat-trickun”, Viniciusi e kompletoi në minutën e 93-të për 5:2.
Për Madridin është fitorja e dytë në tri ndeshje të luajtura. Dortmundi ka pësuar humbjen e parë.
