Vedat Muriqi me Mallorcan të dielën nga ora 14:00 do të jenë kundërshtarë të Atletico Madridit në ndeshjen e cila është e vlefshme për xhiron e 21-të La Ligas.
Muriqi të shtunën e kaluar shkëlqeu duke realizuar “hat-trick” në fitoren 3:2 të Mallorcas ndaj Athletic Bilbaos.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSulmuesi i Kosovës është duke kaluar formë të jashtëzakonshme këtë edicion në kampionatin spanjoll me 14 gola të realizuar. Listës i prin sulmuesi i Real Madridit, Kylian Mbappe me 19 gola.
Pas Muriqit janë emra të mëdhenj si Ferran Torres me 11 gola e Robert Lewandowski me nëntë.
Muriqi ka tre gola të shënuar ndaj Atleticos që prej transferimit te Mallorca.
Mallorca e Muriqit ka 21 pikë dhe e zë vendin e 15-të. Atletico ka 41 pikë dhe e zë vendin e katërt. Lider është Barcelona me 49 pikë.
Liderja Barcelona të dielën nga ora 16:15 e pret Real Oviedon, që është në pozitën e fundit me 13 pikë. Barcelona ka 49 pikë në vendin e parë, një më shumë se Real Madridi. Reali u afrua pasi Barcelona u mposht në xhiron e kaluar 2:1 nga Real Sociedadi.
Reali të shtunën nga ora 21:00 do të jetë mysafir i Villarrealit. Villarreali është në pozitën e tretë me 41 pikë. Pritet të jetë ndeshje e vështirë.
Nën drejtimin e trajnerit të ri, Alvaro Arbeloa, Reali ka shënuar dy fitore radhazi në të gjitha garat.