Vedat Muriqi nuk ndalet së shënuari gola në La Liga.
Të shtunën në mbrëmje, në ndeshjen e xhiros së 16-të të elitës spanjolle, Muriqi realizoi sërish një gol ndaj Elches, në fitoren 3:1.
Ai shënoi një minutë para fundit të ballafaqimit, ndërsa u zëvendësua menjëherë.
Për sulmuesin shtatlartë të Kosovës ishte goli i nëntë sezonal në La Liga. Vetëm Kylian Mbappe e Ferran Torres kanë më shumë.
Mallorca me këtë fitore të rëndësishme ngjitet në pozitën e 14-t me 17 pikë, një më shumë se Real Sociedadi.