Pjesa e parë e ndeshjes Dukagjini – Prishtina ka përfundua baras, 0:0. Kjo ndeshje po luhet në Klinë, ndërsa i takon xhiros së 33-të të Superligës së Kosovës në futboll.
Si Dukagjini, ashtu edhe Prishtina patën raste për gola. Por asnjëra skuadër nuk konkretizoi rastet e krijuara gjatë pjesës së parë.
Prishtina e Dukagjini janë në garë për t’i ikur barazhit.
Ndeshja në Klinë nuk jep fitues e as gola
Pavarësisht se Dukagjini e Prishtina patën mundësitë e tyre për të realizuar, ndeshja e xhiros së 33-të e Superligës së Kosovës në futboll u mbyll baras.
Dukagjini dhe Prishtina barazuan pa gola të mërkurën pasdite në ndeshjen e zhvilluar në stadiumin “18 Qershori” në Klinë.
Me këtë barazim, Prishtina dhe Dukagjini mbeten në pozitën e gjashtë dhe të shtatë respektivisht.
Prishtina ka 44 pikë, dy më shumë se Dukagjini.
Për Dukagjinin ishte barazimi i katërt në pesë ndeshjet e fundit, ku e ka edhe një fitore.
Ndërkohë, Prishtina krahas një fitoreje, e regjistroi barazimin e tretë në katër duelet e fundit.
