Mesfushori Valmir Matoshi do t’i mungojë Thunit në dy ndeshjet e ardhshme në Superligën e Zvicrës.
Liga elitare e futbollit zviceran njoftoi të mërkurën se dënimi ka ardhur si pasojë e ndërhyrjes shumë të ashpër të Matoshit të martën mbrëma ndaj Ledian Sahitajt.
Thuni fitoi 3:0 në ndeshjen e xhiros së 11-të ndaj Winterthurit, ndërsa Matoshi u përjashtua direkt nga loja në minutën e 39-të. Mbrojtësi Sahitaj ndërkohë, që ka pesë paraqitje me Kosovën U21, e la fushën në minutën e 43-të.
22-vjeçari Matoshi nuk do të luajë ndaj Sionit dhe Servettes.
Matoshi ka luajtur në të gjitha ndeshjet e këtij sezoni për Thunin, ndërsa ka kontribuuar me një gol.