Llapi është dënuar rëndë për shkeljet e bëra në ndeshjen në Podujevë ndaj Drenicës.
Disiplinori i FFK-së e ka dënuar Llapin me zhvillimin e një ndeshje si vendas pa praninë e shikuesve dhe me gjobë prej 2000 euro.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPo ashtu klubi llapjan detyrohet që brenda 15 ditëve të paguajë dëmin e shkaktuar në autobusin e Drenicës.
Drenica fitoi 1:0 ndaj Llapit në Podujevë, në ndeshjen e rëndësishme në garë për mbetje në Superligën e Kosovës në futboll.
Dhe Llapi, jo për herë të parë, dështoi në organizim.
Ka pasur fyerje të tifozëve vendas ndaj Drenicës, hedhje të mjetit tymosës dhe po ashtu hedhje të një mjeti të fortë në drejtim të lojtarëve mysafirë.
“Pas përfundimit të ndeshjes gjatë shkuarjes në zhveshtore lojtarët e skuadrës mysafire sulmohen nga tribuna nga tifozët vendas me mjete të ndryshme; shkopinjë, shishe PVC etj. Gjatë largimit nga Podujeva edhe pse të përcjellur nga Policia, autobusi i skuadrës mysafire është sulmuar dhe dëmtuar me gur. Është thyer xhami”, shkruan në vendimin e Disiplinorit.
Llapi reagon për dënimin nga Disiplinori i FFK-së
Skuadra e Llapit ka reaguar pas dënimit nga Disiplinori i FFK-së për zhvillimin e një ndeshjeje vendës pa shikues dhe gjobës prej 2000 eurove.
Në vendimin e Disiplinorit shkruhet se “pas përfundimit të ndeshjes gjatë shkuarjes në zhveshtore lojtarët e skuadrës mysafire sulmohen nga tribuna nga tifozët vendas me mjete të ndryshme; shkopinj, shishe PVC etj”, ndërsa ka shkruar tutje se edhe autobusi i skuadrës mysafire është sulmuar e dëmtuar.
I menjëhershëm ka qenë reagimi i Llapit që ka theksuar se vendimi “është marrë në mënyrë të ngutshme, pa u bazuar në fakte të plota dhe pa pasqyruar gjendjen reale të ngjarjes së ndodhur pas ndeshjes ndaj KF Drenica”.
Sipas Llapit, edhe sulmi ndaj autobusit të ekipit mysafir, ka realitet krejtësisht tjetër nga ai i paraqitur në raportin e delegatit dhe në vendimin e Komisionit, pasi autobusi është sulmuar “me shishe parfumi” vetëm nga një person i vetëm, dhe jo nga tifogrupi “Legjendat”, dhe se ai person është arrestuar menjëherë.
Llapi thotë se kjo konfirmohet edhe nga Stacioni Policor në Podujevë.
Llapi e ka pranuar se ka pasur hedhje të disa shisheve PVC nga tribunat, por reagimi i forcave policore ka qenë i menjëhershëm dhe se nuk ka pasur të lënduar.
Llapi konsideron se vendimi është i padrejtë dhe i pabazuar, dhe se është ankuar ndaj këtij vendimi.