Madridi fiton top-ndeshjen me Interin
Dy gabime në mbrojtje ia kanë mohuar pikët Interit në “Santiago Bernabeu”, me gjithë paraqitjen e mirë. Të martën mbrëma, në ndeshjen kryesore të xhiros së parë të Ligës së Kampionëve, Real Madridi fitoi 2:1 ndaj Interit.
Kampioni italian nisi furishëm ndeshjen. Por kur pritej që Interi të shënonte, këtë e bëri Real Madridi.
Kylian Mbappe shënoi për 1:0 në minutën e 14-të, pas një gabimi në mbrojtjen italiane. Nuk vonoi shumë dhe gabimin e portierit të Interit në gol e shndërroi Federico Valverde. Ai realizoi në minutën e 23-të për 2:0.
Shifrat nuk ndryshuan më në pjesën e parë.
Interi kërkoi të kthehej në lojë në pjesën e dytë, por rastet i kishin edhe vendasit. Carlos Augusto shënoi në minutën e 77-të për 2:1. Megjithatë kjo ishte e tëra që bëri Interi, falë edhe formës së lartë të portierit të Real Madridit, Thibaut Courtois.
Me gjithë humbjen, paraqitja e Interit u vlerësua. Ndërkohë Real Madridi ka dëshmuar pse është skuadër e “specializuar” për Champions. Mori pikët e plota, ndonëse nuk shkëlqeu në fushë.
Interi shënon gol, hapet sfida
Është hapur ndeshja mes Real Madridit dhe Interit.
Kampioni italian ka ngushtuar rezultatin në 2:1 në minutënn e 77-të.
Carlos Augusto realizoi me asistim të Lautaro Martinez.
VIDEO:
Raste të shumta, gola në pjesën e dytë jo
Real Madridi e Interi po vazhdojnë me superndeshje në “Bernabeu”.
Tashmë janë luajtur 70 minuta dhe rezultati mbetet 2:0 për madrilenët.
Rastet janë të shumta në të dy anët e fushës, me portierët në qendër të vëmendjes.
Reali shfrytëzoi gabimet e Interit në pjesën e parë
Real Madridi ka shënuar dy gola në pjesën e parë kundër Interit në pjesën e parë të ndeshjes që po luhet në “Santiago Bernabeu”, në kuadër të Ligës së Kampionëve.
Golin e parë e shënoi në minutën e 14-të, Kylian Mbappe.
Superylli francez u asistua nga Brahim Diaz.
Diaz përfitoi nga një gabim i dyfishtë i lojtarëve të Interit.
Ai shtyu topin te Mbappe i cili nuk gaboi përballë portierit, Josep Martinez.
Portieri Martinez ishte fajtor për golin e dytë të pësuar në minutën e 23-të.
Gabimin e Martinezit e shfrytëzoi Federico Valverde që shënoi për 2:0, rezultat me të cilin përfundoi pjesa e parë e ndeshjes së parë të fazës së ligës në Champions.
Interi kishte iniciativën, por edhe rastet për gol para se Reali t’i shënonte golat.
Në minutën e 36-të, Curtis Jones i Interit qëlloi shtyllën.
Ndërkohë me epërsi 2:1 pjesën e parë e mbylli edhe Lille ndaj skuadrës spanjolle, Betis.
Gafë e portierit të Interit, tjetër gol në “Bernabeu”
Është shënuar edhe goli i dytë nga Real Madridi.
Golin e dytë për Realin në “Santiago Bernabeu” e shënoi Federico Valverde në minutën e 23-të pas gafës së portierit të Interit.
VIDEO:
Interi rastet, Reali epërsinë
Real Madridi ka kaluar në epërsi ndaj Interit.
Golin për 1:0 e shënoi francezi, Kylian Mbappe.
Mbappe realizoi golin e epërsisë në minutën e 14-të.
Mbappe u asistoi nga Braim Diaz.
Interi kishte iniciativën, por edhe rastet për gol. Megjithatë, është Reali që ka kaluar në epërsi ndaj italianëve.
VIDEO:
Mind you Mbappé didn’t watch the pole. pic.twitter.com/J0BErUV9Sb
Publikohen formacionet e superndeshjes Real Madrid – Inter
Photo: Associated Press
Trajneri i Real Madridit, Jose Mourinho dhe Interit, Cristian Chivu, kanë publikuar formacionet për ndeshjen që luhet sonte në “Santiago Bernabeu”.
Ndeshja ndërmjet Realit dhe Interit luhet sonte nga ora 21:00. Është ndeshja e parë e fazës së ligës në Ligën e Kampionëve.
Reali sulmon me tre sulmues, ndërsa Interi me dy.
Sulmin e Realit e udhëheq, Kylian Mbappe.
Francezi mbështetet nga Vinicius Junior dhe Brahim Diaz, kurse sulmin e Interit e përbëjnë Lautaro Martines dhe Marcus Thuram.
Nga ora 21:00 luhen ndeshjet tjera: Dortmund – Villarreal, Porto – Manchester City dhe Lille – Betis.