Drita e fiton derbin ndaj Llapit
Drita e ka fituar derbin të dielën ndaj Llapit në shtëpi me rezultatin, 1:0.
Kjo ndeshje i takoi xhiros së 12-të të elitës së futbollit kosovar.
Golin e fitores për kampionen në fuqi, Dritën, e realizoi Besnik Krasniqi nga penalltia në minutën e 33-të.
Krasniqi u ndëshkua edhe me karton direkt të kuq në minutën e 79-të.
Për klubin nga Gjilani ishte fitore shumë e rëndësishme për të mbajtur hapin në garën për titull kampioni.
Drita reagoi edhe pas disfatës që e pësoi xhiron e kaluar nga Drenica.
Ndërkohë për Llapin ishte humbja e parë pas dy fitoreve radhazi.
Drita ka 20 pikë në vendin e tretë. Tri pikë më shumë i ka Ballkani në pozitën e dytë. Lidere është Prishtina me 26 pikë.
Llapi mbetet në pozitën e pestë me 16 pikë.
Prishtina e Re merr pikë por mbetet e fundit
Prishtina e Re ka marrë një pikë të dielën në ndeshjen e xhiros së 12-të të elitës së Kosovës në futboll ndaj Drenicës, por vazhdon të mbetet e fundit në tabelë.
Prishtina e Re dhe Drenica barazuan pa gola në stadiumin “Sami Kelmendi” në Lipjan.
Për Prishtinën e Re ishte barazimi i parë pas tri humbjeve të njëpasnjëshme. Një barazim e ka edhe me Dukagjinin, ndërsa dy fitoret i arriti ndaj Llapit dhe Malishevës.
Drenica ndërkohë kishte ecuri prej katër humbjeve rresht, para fitores ndaj Dritës në xhiron e kaluar. Por, ka lëshuar pikë të rëndësishme në Lipjan.
Prishtina e Re e fundit mbetet me tetë pikë dhe është në garë për mbetje në elitë.
Drenica në vendin e shtatë ka 15 pikë.
Fitore e madhe e Malishevës ndaj Dukagjinit
Malisheva ka fituar në udhëtim te Dukagjini në stadiumin “18 Qershori” në Klinë, ndonëse në minutat e fundit të ndeshjes mbeti me një futbollist më pak në fushë.
Malisheva të dielën në xhiron e 12-të të Superligës së Kosovës në futboll fitoi me rezultatin 2:1.
Etnik Brruti i shënoi të dyja golat për malishevasit, që të dielën u udhëhoqën nga Skender Ulluri. Ulluri në krye të Malishevës është në vend të trajnerit Qatip Osmanit, që u largua nga skuadra ditë më parë.
Brruti në minutën e 21-të shënoi për 1:0, ndërsa Altin Merlaku i barazoi shifrat në minutën e 35-të.
Malisheva vazhdoi lojën e mirë dhe shënoi tjetër gol me mesfushorin Brruti, në minutën e 68-të. Ishte edhe goli i fitores 2:1 për Malishevën.
Nga minuta e 76-të, mysafirët mbetën me një futbollist më pak në fushë. Donart Vitija u përjashtua nga loja, por rezultati nuk ndryshoi më.
Për Dukagjinin ishte humbja e katërt në gjashtë ndeshjet e fundit, ndërsa ka edhe një fitore dhe një barazim në këtë ecuri.
Ndërkohë, Malisheva fitoi për herë të dytë në pesë ndeshjet e fundit ku i ka edhe tri humbje.
Malisheva me 16 pikë pas 12 ndeshjeve renditet në vendin e gjashtë, një më pak se Dukagjini që është i katërti.
Malisheva sërish në epërsi
Skuadra e Malishevës ka kaluar sërish në epërsi 2:1 ndaj Dukagjinit.
Etnik Brruti ishte realizatori i golit në minutën e 69-të.
Brruti e shënoi edhe golin e parë për Malishevën.
Drita në epërsi pas pjesës së parë
Kampionia e Kosovës, Drita, e ka mbyllur pjesën e parë në epërsi ndaj Llapit.
Besnik Krasniqi golin e epërsisë e realizoi nga penalltia në minutën e 33-të.
Ndërkohë Dukagjini dhe Malisheva po barazojnë 1:1 pas 45 minutave.
Fillimisht Malisheva kaloi në epërsi me golin që e realizoi Etnik Brruti në minutën e 21-të.
Dukagjini shifrat i barazoi në minutën e 35-të. Golin e barazimit e realizoi Etnik Brruti.
Ndërsa ndeshja që po zhvillohet në stadiumin “Sami Kelmendi” në Lipjan ndërmjet Prishtinës së Re dhe Drenicës ka përfunduar baras pa gola pjesa e parë.
Ndeshjet janë të vlefshme për xhiron e 12-të të elitës së futbollit kosovar.
Krasniqi e kalon kampionen në epërsi
Besnik Krasniqi e ka kaluar në epërsi kampionen Dritën ndaj Llapit.
Krasniqi golin e epërsisë e realizoi nga penalltia në minutën e 33-të.
Kjo ndeshje i takon xhiros së 12-të të Superligës së Kosovës në futboll.
Barazon Dukagjini
Dukagjini i ka barazuar shifrat ndaj Malishevës.
Për 1:1 shënoi Altin Mërlaku në minutën e 32-të.
Malisheva në epërsi
Malisheva ka kaluar në epërsi ndaj Dukagjinit.
Për 1:0 realizoi Etnik Brruti në minutën e 19-të.
Kjo ndeshje i takon xhiros së 12-të të Superligës së Kosovës në futboll.