Qendërsulmuesi polak, Robert Lewandowski, është kthyer në stërvitje te skuadra e Barcelonës.
Siç kanë raportuar mediumet spanjolle, Lewandowski ishte i pranishëm në stërvitje të hënën. Ai ushtroi me pjesën tjetër të futbollistëve që nuk patën minuta ndaj Real Madridit.
Barça të dielën u mposht nga Reali në “Santiago Bernabeu” me rezultatin 2:1.
37-vjeçari Lewandowski i mungoi gjigantit katalunjas në tri ndeshjet e fundit. Lewa është përballur me një lëndim muskulor.
Ai pritet të jetë i gatshëm për ndeshjen e së dielës ndaj Elches në La Liga.
Ndërkohë nuk përjashtohet mundësia që edhe portieri Joan Garcia të kthehet ndaj Elches.
24-vjeçari Garcia i mungoi Barçës në gjashtë ndeshje për shkak të një problemi me gjurin e majtë.