Përfaqësuesja e Kosovës do të jetë edhe pa Ermal Krasniqin për ndeshjen ndaj Izraelit.
Pas qendërmbrojtësit Lumbardh Dellova, FFK-ja ka njoftuar edhe për lirimin e Krasniqit nga grumbullimi.
Ai ka pasur lëndim muskulor dhe nuk ka arritur të rikuperohet në kohë.
“Pas ekzaminimeve mjekësore, stafi mjekësor ka konstatuar se futbollistit i nevojitet më shumë kohë për rikuperim dhe se nuk do të jetë në gjendje të rikthehet në gatishmëri të plotë për ndeshjet ndaj Izraelit dhe Irlandës. Ai rikthehet në klubin e tij, ku do ta vazhdojë procesin e rikuperimit”, ka shkruar FFK-ja të premten.