Klodian Duro nuk është më trajner i klubit prizrenas të futbollit, Liria.
Liria, që garon në Ligën e Parë, ka njoftuar se Duro është larguar për arsye personale.
Duro ishte futbollist i njohur i Shqipërisë, por si trajner nuk ka arritur suksese të njëjta.
"Klubi i futbollit Liria njofton se trajneri i ekipit të parë, Klodian Duro, është larguar nga drejtimi i skuadrës për arsye personale. FC Liria shpreh mirënjohjen më të thellë për përkushtimin, punën e palodhur, kontributin dhe profesionalizmin që trajneri Duro ka treguar gjatë gjithë periudhës së tij në klub. I urojmë suksese të shumta në të ardhmen, si në aspektin personal, ashtu edhe në karrierën profesionale. Në ditët në vijim, klubi do të njoftojë mbi zgjedhjen e trajnerit të ri dhe hapat e mëtejshëm në drejtimin e skuadrës", shkruan në njoftimin e prizrenasve.