Golat e shënuar nga mbrojtësi Federico Dimarco dhe sulmuesi Marcus Thuram, ia kanë siguruar Interit një tjetër fitore në elitën italiane të futbollit.
Interi e mposhti 2:0 Parman në udhëtim, për fitoren e gjashtë rresht në Serie A të mërkurën mbrëma, në kuadër të xhiros së 19-të.
Dimarco realizoi në minutën e 42-të. Ange-Yoan Bonyt iu anulua goli i minutës së 94-t, por ai i shënuar nga Marcus Thuram në minutën e 98-të, u pranua.
Portieri shqiptar, 18-vjeçari Alain Taho, ishte në bankën rezervë tek Interi.
“Nerazzurrët” janë në vendin e parë me 42 pikë pas 18 ndeshjeve. Në 17 ndeshje, Milani i dyti ka 38 pikë. Po kaq pikë ka edhe Napoli në pozitën e tretë, në 18 ndeshje.