Shkëlqen Mbappe, Madridi me fitore bindëse ndaj Cityt

Kylian Mbappe ka shkëlqyer për të udhëhequr Real Madridin drejt një të tetës së finales në Ligën e Kampionëve.

Në plejofin e fazës nokaut, kampioni në fuqi e kaloi Manchester Cityn.

Të mërkurën mbrëma në “Santiago Bernabeu”, Madridi dominoi plotësisht për fitoren 3:1. Ndeshja e parë në Manchester kishte përfundurar 3:2 në të mirë të madrilenëve.

Që në minutën e katërt francezi Mbappe bëri të qartë se skuadrën e Pep Guardiolas e pret njëra prej mbrëmjeve më të vështira. Ai shënoi gol të bukur me goditje parabolë për 1:0.

Në minutën e 33-të, Mbappe dribloi bukur mbrojtësin Joshko Gvardiol dhe realizoi tjetër gol të bukur për 2:0.

Edhe Futboll 4 muaj më parë Reali drejt çerekfinales, ka epërsi të lartë ndaj Cityt

Me rezultatin 2:0 përfundoi pjesa e parë.

Por situata nuk ndryshoi as në pjesën e dytë.

Skuadra e Carlo Ancelottit dominoi plotësisht, ndërsa për 3:0 Mbappe shënoi në minutën e 61-të. Këtë herë shënoi me goditje të ultë nga distanca.

Fare në fund, në minutën e 92-të, Manchester City realizoi për 3:1. Nico Gonzalez ishte realizator.

Shorti për një të tetën e finales tërhiqet të premten në ora 12:00.

Me shfaqjen e së mërkurës, Madridi sërish është prej favoritëve për të triumfuar në Champions.

Ndërkohë Manchester City vetëm ka konfirmuar krizën e thellë që po e kalon këtë edicion.

"Hat-trick" nga Mbappe, Madridi po e shkatërron Cityn

Real Madridi po e shkatërron Manchester Cityn. 

Në minutën e 61-të Kylian Mbappe shënoi supergol për 3:0.

Francezi kështu ka kompletuar “hat-trickun”.

Madridi udhëheq 2:0, kalimi në 1/8 e finales thuajse i siguruar

Real Madridi po udhëheq 2:0 ndaj Manchester Cityt, pas pjesës së parë të ndeshjes në “Santiago Bernabeu”.

Edhe Futboll 4 muaj më parë Mbappe nuk luan nga fillimi

Të dy golat i shënoi Kylian Mbappe. 

Madridi ka fituar edhe në Manchester, 3:2, dhe është shumë pranë kualifikimit në një të tetën e finales në Ligën e Kampionëve.

Në ndeshjen mes PSV-së dhe Juventusit nuk janë shënuar gola në pjesën e parë.

Mbappeeeeee, tjetër supergol

Kylian Mbappe nuk ka të ndalur. 

Në minutën e 33-të francezi shënoi tjetër gol të bukur për epërsinë 2;0 të Real Madridit ndaj Manchester Cityt.

Video:

Shënon Mbappe, Madridi në epërsi

Kylian Mbappe ka shënuar supergol për epërsinë 1:0 të Real Madridit ndaj Manchester Cityt.

Mbappe shënoi me goditje parabolë, që në minutën e katërt.

Haaland nuk starton te City

Erling Haaland nuk do të startojë te Manchester City në ndeshjen ndaj Real Madridit.

Është ky vendim i trajnerit Pep Guardiola.

Edhe Futboll 7 muaj më parë Real Madridi mposhtet në “Bernabeu”, pozita e Alonsos në rrezik

Në vend të Haalandit do të startojë Omar Marmoush, që realizoi “hat-trick” në fundjavë.

Ndeshja Madrid – City fillon në ora 21:00.