Daniel Orsato ka gjykuar në ndeshjet profesionale për mbi 20 vjet. Italiani ka gjykuar në Kampionatin Evropian, Kampionatin Botëror, Ligën e Kampionëve dhe ka qenë i rregullt në Serie A.
Pas një karriere të gjatë, Orsato do të largohet nga referimi evropian pas përfundimit të Evropianit (korrik).
Orsato mbrëmë gjykoi ndeshjen e kthimit gjysmëfinale në Ligën e Kampionëve mes Paris Saint-Germaini dhe Dortmundit. Në fund të ndeshjes, italiani shpërtheu në lot.
Ndeshja PSG – Dortmund ishte e fundit e Orsatos që gjykoi në Ligën e Kampionëve. Ai nga sezoni i ri do të jetë gjyqtar vetëm në kampionatin italian.
