Gjeorgjia e ka shënuar fitoren e parë në nisje të edicionit të ri të Ligës së Kombeve.
Gjeorgjianët dhe çekët ishin pjesëmarrës në “Euro 2024”.
Por të shtunën mbrëma, ishte Gjeorgjia që mori pikët e plota pas fitores së thellë, 4:1.
Ndeshja i takoi Grupit B1.
Khvicha Kvaratskhelia e hapi serinë e golave me gol nga penalltia në minutën e 33-të.
Në pjesën e dytë, për 13 minuta, vendësit shënuan edhe tri gola tjerë.
Giorgi Cakvetadze në minutën e 53-të shënoi për 2:0, kurse dhjetë minuta më vonë, Georges Mikautadze realizoi për 3:0.
Në minutën e 66-të realizoi edhe Giorgi Kochorashvili.
Golin e vetëm për çekët e realizoi Lukash Kalvach, dhjetë minuta para fundit.
Gjeorgjia ndeshjen e radhës e luan në udhëtim te Shqipëria më 10 shtator, kurse Republika e Çekisë e pret Ukrainën.
