Mediumi “Linth24” ka shkaktuar huti me raportimin rreth Xherdan Shaqirit se ai do të transferohej te Rapperswil-Jona.
Shpejtë u mor vesh se ky lajm ishte gënjeshtër për 1 prill.
Por, ideja e transferimit të tij te Rapperswil-Jona që bën gara në kategorinë e dytë të futbollit zviceran, mund të bëhet realitet një ditë.
Ylli 34-vjeçar i Baselit është bashkëpronar i këtij klubi të “Challenge League”.
“Ideja që një ditë të ngjitem në Superligë me Rappin dhe t’ua tregoj të gjithëve se edhe një herë tjetër mund t’ia dalë me sukses, është goxha tërheqëse. Pastaj mund të pensionohem menjëherë”, ka thënë ai për “Basler Zeitung”, shkruan të premten “Kicker”.
Edhe
Shaqiri u jep fund diskutimeve për kthim te Zvicra
Shaqiri ka kontratë me Baselin deri në vitin 2027.
Në 42 ndeshje të zhvilluara në të gjitha garat e këtij sezoni, Shaqiri i ka 15 gola të shënuar e 13 asistime.
