Përzgjedhësi i Kosovës, Franco Foda, është shprehur mjaft optimist për fitore në ndeshjen miqësore ndaj Norvegjisë më 5 qershor në Oslo.
Në konferencë për media të enjten, Foda ka thënë se ekipi është maksimalisht i motivuar për fitore ndaj ekipit nordik. Ka shtuar se kanë dashur gjatë kësaj periudhe t’i luajnë dy ndeshje, por për arsye të ndryshme kjo nuk ka qenë e mundur.
Kosova kishte planifikuar që në qershor të luante miqësore edhe me Bahrejnin, por shteti aziatik ishte tërhequr.
“Është parapërgatitje e mire ndeshja ndaj Norvegjisë për ndeshjet e Ligës së Kombeve që na presin. Kemi ekip të mirë, ekip të balancuar, jemi maksimalisht të motivuar që të fitojmë ndaj Norvegjisë. Është ndeshja e fundit t’i shohim disa përshtypje nga lojtarët para ndeshjeve të Ligës së Kombeve”, ka thënë ai.
Trajneri austriak ka bërë të ditur se nga lojtarët e ftuar vetëm portieri Arijanet Muriq nuk ka arritur në stërvitje.
Edhe
Foda i kënaqur me gjendjen e lojtarëve, fokusi te ndeshja me Slloveninë
“Muriq është i sëmurë. Në këto dy ditë do ta di saktë nëse do të jetë i gatshëm”, ka deklaruar Foda.
Shkaku i arsyeve shëndetësore apo lëndimeve, Foda ka thënë se nuk ka mundur të grumbullojë edhe disa lojtarë, siç është Milot Rashica, Florent Muslija, Donat Rrudhani e Ismajl Beka. Rashica, siç ka thënë trajneri, është operuar në krah.
Në listë, siç ka bërë të ditur Foda, ka qenë edhe Ismet Lushaku e Kreshnik Krasniqi, të cilat nuk janë liruar nga klubet e tyre, Suedi përkatësisht Norvegji, aty ku po luhet kampionati i rregullt. I ftuar në atë që e ka quajtur "lista e gjerë", 58-vjeçari e ka përmendur edhe emrin e Emir Sahitit.
Trajneri i Kosovës ka zbuluar se Donis Avdijajn që luan te Hartbergu nuk e ka ftuar për shkak se ka disa mosmarrëveshje mes tij dhe Federatës së Futbollit (FFK). Ai ka thënë se pas ndeshjes me Norvegjinë do të mendojë për këtë situatë.
Edhe
Foda pret fitore ndaj Islandës
“Avdijajn e njoh më herët, në ekipet e Zvicrës. Ka pasur disa mosmarrëveshje me Federatën dhe derisa t’i sqarojmë mbetet kështu. Nuk mund të përgjigjem [se çfarë mosmarrëveshje] sepse kjo ka ndodhur para se të vija unë. Pas kësaj periudhe, do të kemi kohë të mjaftueshme të mendojmë për këtë situatë”, ka thënë Foda.
LEXO EDHE:
